How to install Cpanel

هيه دنيا

ياله بقي نبدأ

هنقول السلام عليكم

وعليكم السلام من اولها هتلك ايه ياعم انت معندكش غير كلام متورينا اي حاجة مفيدة

تصدق انك بتستعجل علي رزقك انهرده ياعم هنشوف ازاي هنركب الCpanel علي السيرفر بتاعك

طيب هتيجي تقولي هوه انا عارف يعني ايه cpanel اصلا اقولك انا :

الCpanel دي لوحة تحكم بتكون في الموقع بتاعك بتقدر تعمل بيها كل حاجة طبعا لو عاوز تعرف ايه هيه عندك الجوجل واتعب نفسك شوية واعمل سيرش عليها

طيب ماشي ياعم هنسطبها ازاي علي السيرفر وياتري دي صعبة ولا ايه

لا صعبة ولا حاجة كل اللي هتحتاجه انك هترخص الIPبتاع الموقع بتاعك اللي هوه هيكون ان شاء الله الNS1بتاعك

هترخصه من موقع السي بانل يعني هتدفع ثمن النسخة امال هيه سايبة ياعم دي حقوق ناس

طيب ارغي ياعم بس طالما اترخص الip خلاص بقيت سهلة وبسيطة قوي

طيب لو انا مش رخصت النسخة للip هل ينفع اني اسطبها اه ينفع وممكن تاخد رخصة تجريبية لمدة 15 يوم يعني تجرب وتشوف

هما مش فاتحينها تكية ليك تبرطع فيها براحتك

طيب ياله بقي نبدأ

1- ادخل الSSH زي الباشا root

2-نصيحة كل ما تيجي تشتغل علي حاجة او تسحبها من بره تنظمها كده وتخلي شكل السيرفر مرتب هوه مش ديسكتوب عندك في البيت

يعني ايه ؟

يعني تعمل فولدر وتحط فيه حاجاتك زي كده

mkdir /home/cpins

3- تدخل علي الفولدر اللي عملناه من شوية

cd /home/cpins

4-تروح تسحب بقي الملف بتاع السي بانل اللي هيسطبها من الموقع بتاعهم

wget http://layer1.cpanel.net/latest

5- نروح بعد الملف ما يتحمل ويخلص ويقولك تمام اشطات نشغله

sh latest

كده بقي تنتظر لغاية لما السي بانل تخلص هيه مع نفسها تحميل كل حاجة وشكرا  شوفت بقي العملية بسيطة ازاي

6- كده دور الssh انتهي  هنروح بقي للIP اللي انت مرخصله الcpanel

http://xxx.xxx.xxx.xxx:2086

وهتكمل بقي باقي الاعدادات ودي ليها موضوع لوحدها ان شاء الله هينزل قريب

ياله بقي مش عاوز حد يقولي دي صعبة ولا بتنجان

اللي عاوز يعرف معلومات تاني علي الCpanel او عاوز يزودها يدخل هنا

http://www.cpanel.net/docs.htm

http://www.cpanel.net/install.html

يلا بقي الحقوا اهربوا

سلام

56 نوع من الــ Geeks

اثناء البحث والفحص والمحيص حصلنا علي هذا البوستر اللي فيه 56 نوع من انواع الجيكز المختلفة
طبعا كل واحد هيلاقي نفسه اكيد في واحد منهم اذا كان ينطبق عليك اساسا انك Geek

اللي عاوز بقي البوستر كامل يحمله من هنا اضغط بالراحة ياعم

تنصيب Chkrootkit

طبعا هنسئل ايه هيه Chkrootkit ؟

هيه تولز او اداة خاصة بالناس اللي شغالين sysadmin او security admin او اي حد عنده سيرفر او حتي جهازه وعاوز يعمل عليه سكان علشان يشوف هل عليه rootkits ولا لا

هنشوف ازاي هنسطبها علي السيرفر وازاي نخليها تشتغل اوتوماتيك وكمان تبعتلك الreport علي الايميل بتاعك

طيب نبدأ

1- طبعا لازم ندخل الـ SSH واحنا في وضع الroot

2- بعدها هنسحب السورس بتاع الchkrootkit uلي السيرفر عندنا بWget

wget ftp://ftp.pangeia.com.br/pub/seg/pac/chkrootkit.tar.gz

3- لو تحب تتخطي الخطوة دي ممكن تتخطاها يعني مش مهمة للدرجة

لانها بتخليك تشيك علي الmd5sum علشان تتأكد ان الchrootkit نزل صح

الاول هنسحب الmd5 sum للسيرفر عندنا

ftp://ftp.pangeia.com.br/pub/seg/pac/chkrootkit.md5

وبعدها هنشوف اذا كانت الchrootkit نزل تمام

md5sum chkrootkit.tar.gz

4- هنفك الضغط من علي الملف اللي حملناه علي السيرفر

tar xvzf chkrootkit.tar.gz

5- هندخل علي الفولدر اللي فكينا الضغط بتاعه

cd chkrootkit*

طبعا ال* دي علشان انت مش هتكون يعني عارف اسم المجلد كامل فهوه بيشوف لوحده باقي الاسم

6- نجي بقي نعمل compile للبرنامج ده

make sense

7- بس كده مبروك عليك البرنامج اتسطب عندك  قاعد بقي نشغله علشان نختبر نشوف شغلنا صح ولا لا

./chkrootkit

8- هتلاقي التقرير بتاع الفحص بيطلع علي شاشة الشيل وهتلاقي الأغلبية بتقولك not found  او not infect

كده تبقي اشطه في التمام

طيب لا قدر الله لو طلع عندك اي infect او لقي حاجة دي هنشوفها وهنعرف ازاي نتعامل معاها بس مش دلوقتي

دلوقتي بقي ركز معايا تاني علشان داخلين علي حته مهمه

دلوقتي هل انا هفضل كل يوم ادخل اشغله بايدي كده ده ايه التعب ده

وليه ياعم تشغله بايدك هنخليه شتغل لوحده وكمان هيبعتلك التقرير بتاع الفحص علي الايميل بتاعك

نرجع تاني للssh علشان نكمل شغل بقي

1- ندخل الssh ونكتب بقي الكوماند ده

nano /etc/cron.daily/chkrootkit.sh

طيب ليه علشان نعمل ملف جديد اسمه chkrootkit.sh علشان نخليه يشتغل لوحده مع الcornjobs

كده انت بتنشئ ملف جديد

2- طيب هنعمل ايه ده الملف ده فاضي مفيش فيه اي كلام  اصبر انا جايلك اهوه

حط بقي الكلام ده جواه

#!/bin/bash
cd /yourinstallpath/chkrootkit-version/
./chkrootkit | mail -s “Daily chkrootkit from Servername” admin@youremail.com

طيب ايه ياعم اللي انا هعمله بقي كل اللي هتعمله هوه انك هتغير الاتي

1- yourinstallpath دي المسار بتاعك اللي انت حملت فيه البرنامج وفكيت الضغط عنه

2- chkrootkit-version دي رقم النسخة اللي نزلت معاك

3- Servername دي هنغيرها لاسم السيرفر اللي انت عليه علشان لما ربنا يديلك اكتر من سيرفر مش تتلخبط بينهم

4- admin@youremail.com دي تغيرها للايميل اللي انت عاوز يوصل عليه التقرير بتاع الفحص

طيب كده تمام فاهم انا لغاية كده عاوز بقي اطلع من الكلام ده واعمل حفظ للكلام ده

بسيطة

3- واحنا في الssh هنعمل Ctrl+X  وبعدها هنكتب Y ونضغط entr

4- طيب دلوقتي قاعد ايه انت طولت كتير كده ليه خلاص قربنا نخلص

قاعد دلوقتي اننا ندي الملف ده التصاريح المناسبة علشان يشتغل مع نفسه

طيب دي هعملها ازاي ؟ بسيطة

chmod 755 /etc/cron.daily/chkrootkit.sh

5-اشطات كده خلاص خلصنا طيب ياعم انا عاوز اشوف اي بتنجان من الكلام اللي عملته ده

طيب ايه رأيك نجرب البرنامج دلوقتي ونشوف هيبعت لنا ولا لا

طيب نكتب بقي الكوماند ده علشان ندخل علي المسار اللي فيه الملف اللي هيشتغل لوحده ده

cd /etc/cron.daily/

6- دلوقتي بقي قاعد خطوه بسيطة اننا نشغل الملف ده علشان يعمل الفحص بتاعه ويبعت لنا نتيجته

./chkrootkit.sh

دلوقتي هيجيلك ايميل فيه نتيجة الفحص بتاعنا وبكده نبقي انتهينا من عملية نسطيب البرنامج وشغلناه وكمان خلناه اشتغل لوحده وبعتل لنا ميل كمان

ياله بقي اسيبكم الحقوا اهربوا

اضافات جديدة في الـ Gmail

طبعا شركة جوجل كل يوم بتتحفنا بحاجة جديدة

Google او Gmail قررت انها تخلي المستخدمين هما اللي يقرروا ايه الخصائص والأضافات الجديدة اللي هتنزل في الGmail

علشان كده عملوا حاجة جديدة في الGmail اسمها Gmail Labs

ايه دي ؟ دي بقي هتكون زي المعمل بتاع ال Gmail زي ما قلت علشان تخلي المستخدمين يجربوا الاضافات قبل ما تنزل وتكون من خصائص الgmail

تمام طيب هل ياتري دي خاصية متاحة لكا الناس ولا لأفراد معينين

طبعا متاحة للجميع انه يشغلها عنده  ويجرب وفي اي وقت عاوز يلغيها هيقدر يلغيها

طيب دي مكانها فين ؟

هقولهك تروح لــــ Settings  —> Labs

هتلاقي الاضافات اللي قولت عليها موجودة عندك وانت ليك الحرية انك تفعلها او لا

الصورة دي بتوضح الحاجات اللي قولت عليها

طيب نيجي نشوف ايه بقي الاضافات اللي ضافتها الGmail

1-Quick Links

ده بقي زي شورت كت لللينكات اللي انت عاوز توصلها بسرعه

يعني انت مثلا بتدخل علي ايملات الشغل علي طول هتعمل لينك للفولدر بتاع الشغل علي طول

2-Superstars

دي بتخليك تصنف الايملات حسب بقي الاهمية وتحط لها ايقونات كده شكلها جميل

3- Pictures in chat

دي بتخلي صورتك تظهر وانت بتعمل شات في الميل نفسه

4- Old Snakey

لعبة سناك القديمة ممكن تلعبها وانت موجود

5- Hide Unread Counts

دي بتخليك تشيل عدد الايملات الغير مقروءة عندك في الميل

اسيبكم تتعرفوا بقي علي باقي الاضافات اللي بتنزل كل يوم فيها جديد

عدنا من جديد

الحمد لله علي كل شئ

عودة من جديد للبلوج بتاعي بعد انقطاع دام سنة او اكثر انقطعت فيها عن التدوين

المرة دي بداية جديدة لموضيع جديدة يعني نسينا كل اللي فات

وان بقولها مش مسئول عن اي بوست كان قبل كده لانه المدونة قفلتها الفترة اللي فاتت ومش هرجع البوستات القديمة تاني

شكرا لكل من كان بيتابع البلوج وان شاء الله المرحلة الجديدة تكون احسن بكيتر من الاول

ياله اسيبكم بقي علشان ورايا شغل

سلامووووز